Home កម្សាន្ត ថ្ងៃផុតកំណត់កុងត្រារបស់តារាសម្ដែងកូរ៉េ Lee jong Suk ជាមួយនឹងផលិតកម្ម YG Entertainment កាន់តែខិតជិតមកដល់ហើយ !!

ថ្ងៃផុតកំណត់កុងត្រារបស់តារាសម្ដែងកូរ៉េ Lee jong Suk ជាមួយនឹងផលិតកម្ម YG Entertainment កាន់តែខិតជិតមកដល់ហើយ !!

យោងទៅតាមប្រភពព័ត៌មានបានឲ្យដឹងថា តារាសម្ដែង Lee Jong Suk ជិតផុតកុងត្រាផ្ដាច់មុខរបស់ផលិតកម្ម YG Entertainment និងឈានដល់ថ្ងៃបញ្ចប់នាពេលឆាប់ៗនេះ ដែលព័ត៌មាននេះបានផ្ទុះយ៉ាងខ្លាំង ហើយមកទល់ពេលនេះវាបានក្លាយទៅជាប្រធានបទក្ដៅគគុកនៅពាសពេញបណ្ដាញសង្គមអ៊ិនធឺណេត ។

តារាសម្ដែងមុខសខ្ចី Lee Jong Suk នឹងត្រូវបានបញ្ចប់កុងត្រាជាមួយនឹងផលិតកម្ម YG Entertainment នៅខែ ឧសភា ។ តារាសម្ដែង Lee Jong Suk បានប្រកាសកុងត្រាជាមួយនឹងផលិតកម្ម YG Entertainment នៅថ្ងៃទី ១០ ខែ ឧសភា ឆ្នាំ ២០១៦ ។ បន្ទាប់ពីស្ថិតនៅក្រោមទ្រនំផលិតកម្មនេះអស់រយៈពេល ២ ឆ្នាំកិច្ចព្រមព្រៀងរបស់ភាគីទាំងសងខាងជិតបញ្ចប់ហើយ ។

ផលិតកម្ម YG Entertainment បានលើកឡើងថា «យើងមិនទាន់សម្រេចចិត្តណាមួយទាក់ទងនឹងកុងត្រារបស់ Lee Jong Suk ជាមួយយើងនោះទេ ។ ដូចនេះគម្រោងយ៉ាងណាបន្ទាប់ទៀតនោះ យើងមិនទាន់បានរៀបចំឡើយ » ។

 

បើទោះជាយ៉ាងណាក៏ដោយ មានប្រភពជិតស្និទ្ធបានលើកឡើងថា Lee Jong Suk ទទួលបានការទាក់ទងដោយក្ដីស្រឡាញ់ពីផលិតកម្មជាច្រើន ។ បើទោះបីជាផុតកុងត្រាជាមួយនឹងផលិតកម្ម YG Entertainment ក៏តារាសម្ដែងរូបនេះនឹងធ្វើជាតារាឯករាជ្យមិនជ្រកកោនក្នុងផលិតកម្មណាមួយទេ ពិសេសទៅទៀតនោះជាឱកាសចាប់យកការងារច្រើនដែរ ។

ប៉ុន្តែពេលនេះ តារាសម្ដែង Lee Jong Suk កំពុងតែផ្ដោតទៅលើភាពយន្ដ “Hymn of Death” ដែលរឿងនេះដឹងនាំដោយផលិតករដដែលជាមួយនឹងរឿង “While You Were Sleeping” ៕

អត្ថបទពាក់ព័ន្ធ៖

ប្រភព៖ koreaboo

អត្ថបទដោយ៖ សុខអីុម